जन्मभुमी को आबाज || आबाज बिहिनकाे आबाज

अल्फान्जो रिसोर्टको तेस्रो वार्षिकोत्सवमा सविन राईको लाइभ कन्सर्ट हुने

जन्मभुमि खबर,
पोखरा ।

पोखराको खपौदीस्थित अल्फान्जो रिसोर्टमा चर्चित गायक सविन राई एण्ड फ्यारो व्याण्डको लाईभ कन्सर्ट हुने भएको छ ।

रिसोर्टको तेस्रो वार्षिकोत्सवका अवसरमा यहि असोज २३ गते शनिबार साँझ ८ बजेदेखि नेपालकै चर्चित व्याण्ड तथा गायक राई एण्ड फ्यारो व्याण्डको लाईभ कन्सर्ट हुने अल्फान्जो रिसोर्टका प्रबन्ध निर्देशक सुवास भट्टराईले बताए ।

वार्षिकोत्सवकै अवसरमा अल्फान्जोले अत्याधुनिक प्रविधि अनुसारको साहसिक पिङ्, मनोरम फोटोजोन, सुविधायुक्त गेष्ट रुम, ट्री हाउस, स्वीमिङ पुल, प्राइभेट क्लव, प्रशस्त पार्किङ, समूहमा आउने ग्राहकहरुको लागि पोखरा भ्यालीभित्र नि–शुल्क आउने जाने
यातायातको व्यवस्था, विश्वसनीय सुरक्षा गार्डको व्यवस्था र खानाको परिकारमा फुल ग्रिल्ड फिसलगायत् विभिन्न परिकार थप गरिएको निर्देशक भट्टराईले जानकारी दिए ।

करिब २ सय ५० जना ग्राहकलाई एकै पटकमा सेवा प्रदान गर्न सक्ने गरी सञ्चालित यो रिसोर्टले करिब ४० जनालाई प्रत्यक्ष रोजगार प्रदान गरेको छ ।