जन्मभुमी को आबाज || आबाज बिहिनकाे आबाज

पोखरामा थप १९ जनालाई कोरोना संक्रमण पुष्टि

जन्मभुमि खबर,पोखरा । पोखरामा थप १९ जनालाई कोरोना भाइरस संक्रमण पुष्टि भएको छ । स्वास्थ्य निर्देशनालय गण्डकी प्रदेशले उपलब्ध गराएको पछिल्लो अध्यावधिक विवरण अनुसार लाइफ केयर डायग्नोस्टि प्रालि पोखरा, क्षयरोग उपचार केन्द्र पोखरा तथा पोखरा स्वास्थ्य विज्ञान प्रतिष्ठानमा गरिएको परीक्षणका क्रममा पोखरामा थप १९ जनालाई कोरोना भाइरस संक्रमण पुष्टि भएको हो ।

पोखरा महानगरपालिका वडा नम्बर १ मा १ जनालाई कोरोना भाइरस संक्रमण पुष्टि भएको छ । सो वाडमा ३६ वर्षीय १ जना पुरुषलाई संक्रमण पुष्टि भएको हो ।

३ नम्बर वडामा २० वर्षीय १ जना पुरुषलाई कोरोना भाइरस संक्रमण पुष्टि भएको छ ।

पोखरा ४ मा २ जनालाई कोरोना भाइरस संक्रमण पुष्टि भएको छ । सो वडामा १ वर्षीय १ जना बालक तथा १५ वर्षीय १ जना किशोरलाई संक्रमण पुष्टि भएको हो ।

वडा नम्बर ५ मा २ जनालाई कोरोना भाइरस संक्रमण पुष्टि भएको को छ । सो वडामा १९ वर्षीय १ जना किशोरी तथा ३२ वर्षीय १ जना पुरुषलाई कोरोना संक्रमण पुष्टि भएको हो ।

पोखरा महानगरपालिका वडा नम्बर ७ मा २ जनालाई कोरोना भाइरस संक्रमण पुष्टि भएको छ । सो वडामा ४० र ५२ वर्षीय २ जना पुरुषलाई संक्रमण पुष्टि भएको हो ।

८ नम्बर वडामा २ जनालाई कोरोना भाइरस संक्रमण पुष्टि भएको छ । सो वडामा ३२ वर्षीय १ जना पुरुष तथा २४ वर्षीय १ जना महिलालाई संक्रमण पुष्टि भएको हो ।

पोखरा ९ मा ३२ वर्षीय १ जना पुरुष, १० मा ३० वर्षीय १ जना पुरुष, ११ मा ३३ वर्षीय १ जना पुरुष, १४ मा ४२ वर्षीय १ जना महिला तथा १८ मा ५८ वर्षीय १ जना पुरुषलाई कोरोना भाइरस संक्रमण पुष्टि भएको छ ।

वडा नम्बर ३० मा ३ जनालाई कोरोना भाइरस संक्रमण पुष्टि भएको छ । सो वडामा ३४ वर्षीय १ जना महिला सहित ४२ र ४८ वर्षीय २ जना पुरुषलाई संक्रमण पुष्टि भएको हो ।

पोखरा महानगरपालिका वडा नम्बर ३३ मा ४७ वर्षीय १ जना पुरुषलाई कोरोना भाइरस संक्रमण पुष्टि भएको छ ।

त्यस्तै गण्डकी प्रदेशका अन्य जिल्ला बाग्लुङमा २ जना, तनहुँमा २ जना, म्याग्दीमा ४ जना तथा लमजुङमा १ जनालाई कोरोना भाइरस संक्रमण पुष्टि भएको छ ।

यससंगै गण्डकी प्रदेशमा कोरोना भाइरस संक्रमितको कुल संख्या १५ हजार ५ सय ६ पुगेको छ ।